અંબુજા સિમેન્ટ્સે વોટર મેનેજમેન્ટમાં મહત્વપૂર્ણ બેન્ચમાર્ક સ્થાપિત કર્યા: જળસુરક્ષા સુનિશ્ચિત કરવા 10 ગણા વોટર પોઝિટિવ બનવાનો ટાર્ગેટ...
- 22 Feb, 2024
અદાણી જૂથની કંપનીઓ ભવિષ્યને સુરક્ષિત સાચવી રાખવા માટે જળવાયુ સંરક્ષણનો અભિગમ અપનાવે છે. જૂથની વિવિધ કંપનીઓએ જળ વ્યવસ્થાપન જાળવવા માટે નિર્ણાયક પગલાં લીધાં છે. તાજેતરમાં અંબુજા સિમેન્ટ્સે જવાબદાર કોર્પોરેટ તરીકે વોટર મેનેજમેન્ટમાં બેન્ચમાર્ક સ્થાપિત કર્યા છે.
જળસંરક્ષણ માટે ઈનોવેટીવ પ્રોડક્ટ્સ અને ઓપરેશનલ સુધારાઓ કરવામાં કંપની સતત આગળ વધી રહી છે. બાંધકામ ઉદ્યોગમાં વપરાતા ઇન્સ્ટન્ટ કોંક્રિટ મિક્સ પ્રોપોર્શન અને મોડ્યુલર ક્યોરિંગ સોલ્યુશન જેવા નવીન પ્રોડક્ટ સોલ્યુશન્સ વિકસાવવામાં કંપનીની સંલગ્નતા, કુદરતી સંસાધનોને શ્રેષ્ઠ બનાવવાની પ્રતિબદ્ધતા દર્શાવે છે. જેના પરિણામે પાણીની નોંધપાત્ર બચત થાય છે.
અંબુજા સિમેન્ટ સમુદાયો માટે સરકાર અને સંગઠનોના સહયોગથી જળ સંરક્ષણના પ્રયાસો કરવામાં અગ્રેસર છે. જેમાં જળ જાગૃતિ ઝુંબેશ, વરસાદી પાણીના સંગ્રહ અંગે પ્રશિક્ષણ, જળ સાક્ષરતા અને આધુનિક સિંચાઈ તકનીકોનો સમાવેશ થાય છે. જેના પરિણામે રૂફટોપ રેઈન વોટર હાર્વેસ્ટિંગ સિસ્ટમ, સપાટી પરના પાણીના સંગ્રહમાં વધારો અને ખેડૂતો દ્વારા માઈક્રો સિંચાઈની તકનીકોને અપનાવનારા લોકોમાં વધારો થયો છે.
નાણાકીય વર્ષ 2022-23ની વાત કરીએ તો, 14 સમુદાયોના 736 ઘરોમાં રૂફટોપ રેઇન વોટર હાર્વેસ્ટિંગ સિસ્ટમ્સ અપનાવી છે. સપાટી જળ સંગ્રહમાં 1.08 MCMનો વધારો થયો છે. જ્યારે 2,368 ખેડૂતોએ સૂક્ષ્મ-સિંચાઈ પદ્ધતિઓ 2,242 હેક્ટરમાં પાણીના એક-એક ટીપાનો સદુપયોગ કરી ફળદ્રુપ પાક અપનાવ્યો છે. જૂથ સિંચાઈ યોજનાઓ દ્વારા 852 નાના અને સીમાંત ખેડૂતોને 212 હેક્ટર વિસ્તારને આવરી લેતા સિંચાઈનું કરી છે. ખેડૂતોને સૌર સિંચાઈ હેઠળ આવરી લેવામાં આવ્યા છે. એટલું જ નહીં, 20,735 ઘરો સુધી પીવાનું પાણીની પહોંચવામાં આવ્યું છે.
નિર્ણાયક ક્રિયાઓ અને નવીનત્તમ ઉકેલો એ જળ સુરક્ષા સુનિસ્ચિત કરવા અંબુજાએ આદરેલા અભિગમના પાયાના પથ્થરો છે. ટન દીઠ ઉત્પાદનમાં પાણીનો વપરાશ ઘટાડવા કંપનીએ ટ્રીટેડ પાણીના રિસાયક્લિંગને મહત્તમ કરવા વરસાદી પાણીનો સંગ્રહ અને પાણીની કાર્યક્ષમતાનાં સખત પગલાં અમલમાં મૂકવા ધ્યાન કેન્દ્રિત કર્યુ છે. આ નવીન પહેલોએ સમુદાયમાં જળ સુરક્ષામાં નોંધપાત્ર સુધારો કર્યો છે, જે એક-પાકમાંથી બહુવિધ-પાકની ખેતી તરફના પરિવર્તનમાં સ્પષ્ટ છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ